Мұражайдыңқор материалдары төмендегідей 11 коллекцияға бөлінген: «Көркемсурет», «Кескін», «Акварель», «Декоративті-қолданбалы өнер», «Мүсін», «Балалар шығармашылығы», «Фарфор», «Фото», «Әдебиет», «Музыка», «Бейне». Біздің пластикалықөнер коллекциясының мақтанышы танымал қазақстандық суретшілердің мынадай туындылары болып табылады: Ф.Ю.Молдабаевтың «Кім үлкен?», «Дәулер», «үш қыз бен жалмауыз», «Әйелдер хандығы», «Үш апалы-сіңлілі», «Алдар көсе мен сайтандар», «Қайым батыр», «Ғажайыпқұс», «Желаяқ», «Қара мерген», «Асан батыр», «Занат хан»; Г.Исмаилованың « Пианистка», «Алма»; Ж. Үмбетовтың«Тау пейзажы»; Н.Өтепбаевтың «Абай Құнанбаев»;ҮӘжиевтің«Байқоңыр даласында»; Барборо Карминенің «Бізбен қалыңыз»; Т.А.Татиевтің «Көктем. Қалыңдық.»; В.Ф.Шмидтің «Тығылмақ» атты туындылары.

ХХ ғасырдың екінші жартысындағы ерекше суретші Л.Е.Агейкиннің 1000-нан астам еңбегі біздің қорда сақтаулы. Белсенді жинақтау әрекетінің нәтижесінде мұражайдың кескіндеме коллекциясы есімдері өнер тарихына енген Ф.Константинов, Л.Ильина, А.Шмаринов, Е.Сидоркин сынды суретшілердің, П.Осовский, М.Андронов, Г.Тоидзе, Т.Салахов, С.Романов, Е.Исмаилова, Т.Нариманбекова, Е.Төлепбаев, Б.Түлкиев сынды көркемсуретшілер еңбектерімен толықты.

Мұражай қорында жергілікті суретшілерден сатып алынған және сыйға қабылданған жұмыстары да сақтаулы. Алғашқы қалыптасу кезеңінде мұражай коллекциясы Қазақ ССР және Совет Одағы Мәдениет министрліктерінің қорлары арқылы толықтырылды. Бізде әлемге танымал даниялық суретші-карикатурист Х.Бидструптың, кеңестік республикалар суретшілерінің көптеген шығармалары сақтаулы.

Бізде ерекше дәстүрлі қазақ музыка аспаптарының коллекциясы бар: олардың біразы облыс аумағына экспедициялық сапарлар кезінде жинақталса, енді біразы тапсырыс бойынша жасалған. 2011 жылы біз танымал шебер, профессор Жолаушы Тұрдығұловқа коллекциямыз үшін домбыра, сазген, жетіген, қылқобыз, сыбызғы, дабыл сияқты халық аспаптарының тоғыз түрін жасаттық.

Біздің аймақтық жазушылар, ақындар, музыканттар шығармаларының коллекциясы басылымдар ғана емес, көпшілігі өте сирек кездесетін қолжазба түрінде де болып келеді. Мәселен, бізде әлемге танымал жазушы, біздің қаланың тумасы А.М.Волковтың «Екі ағайынды», «Шеберлер» атты екі шығармасының қолжазбасы сақтаулы.

Балалар шығармашылығының бірегей қоры – 1998 жылдан бергі жүйелі жұмыстың нәтижесі, қазір ол 700 сақтау бірлігін құрайды.

2013 жылы «Фарфор» атты жаңа коллекцияның «негізі қаланды». Біз ХХІ ғасыр басы – 1930 жылдары жасалған статуэткалар коллекциясын (121 бірлік) сатып алдық. Онда Совет Одағының жетекші фарфор заводтарының, оның ішінде Ленинград, Дулев фарфор заводтарының, Гжель «Художественная керамика» артелінің, Вербилка, Песочное өндірістерінің өнімдері бар. Коллекцияға, сонымен қатар, австрия, неміс, француз, венгр, чехословакия, қытай және жапон өндірістерінің керамикалық бұйымдары енген.

Мұражай қоры үнемі толықтырылып отырады: ол 2009 жылы 7825 бірлікті құраған болса, 2018 жылы – 9556.