Қыркүйек айының 23 күні ШҚ өнер музейі "Күзгі Алтай" атты суретшілер пленэрін ұйымдастырды.
🔹Қаламыздан барған қылқалам шеберлері Ұлан ауданы Б. Өтепов аулының келбетін кенепке түсірді. 🔹Суретшілер өзара тәжрибе алмасып бір серпіліп қайтты.

20 қыркүйекте Қ.Нұрғалиев атындағы колледждің дизайнер студенттерінің екі тобы (отыздан астам адам) өнер музейіне жаңа көрмелерді тамашалау үшін келді. Балалардың айтуынша, оларға Виктор Шмидттің "Тылсым дүние" атты жеке экспозициясында ұсынылған әсем және жұмбақ шығармалары ерекше әсер қалдырды. Экспозициялық-көрме секторының маманы Мартынова Лариса болашақ дизайнерлерге суретші Ирина Усованың шығармашылық өмірбаянының басталуы туралы, Қазақстан графикасының пайда болу тарихы туралы, Шығыс Қазақстан өнер музейінің кескіндеме топтамасының үздік экспонаттары туралы айтып берді.

20 қыркүйек күні Облыстық дарынды балаларға арналған мектеп лицей- интернатының
7 сынып оқушылары ШҚ өнер музейін саяхаттады. Олар музейдің музыка аспаптар тарихын танытатын “Жер жаңғырығы” көрмесін, Бағаналы залдағы графика өнеріне арналған “Керемет графика” көрмесін, музей қорындағы алтын жәдігерлері саналатын “Уақыт палитрасы” көрмесін тамашалап, жалпы қазақ бейнелеу өнерінің қалыптасуы мен тұлғалары туралы білім алып, рухани сусындап қайтты. Облыстық дарынды балаларға арналған мектебінің оқушылары да өздерінің зеректігі мен тәлім- тәрбиелерімен қуантты.